Mizoram Sorkar hnuaia Chief Secretary, Principal Secretaries/ Commissioner & Secretaries/ Secretaries leh Special Secretaries  mi 31 te  department chanpual pawh a thlak danglam nual a, a then a ngai ah awmin Home Commisioner nilai H. Lalengmawia, IAS chuan EF& CC dept bakah P&E leh Fisheries dept a enkawl thar dawn a, Home Secretary thar atan MPSC Secretary nilai Vanlalmawia, MCS dah a ni. Agriculture Department Secretary nilai H. Lianzela, IAS chu MPSC Secretary thar atan dah a ni ve thung.

MCS, Senior and Junior Grade mi 28 leh Junior Administrative grade (JAG)  mi 18 zet te pawh vawiin khan an transfer order tih chhuah a ni bawk. Tin, MCS- Supertime Grade A & B, leh Selection Grade mi 21 te department awmna pawh siksawi nghal a ni a, District a Deputy Comissioner te pawh thlak thleng nual a ni.  Tun tum hi vawi khata MCS officer siksawi leh transfer tam ber tum a ni hial ang.